Rossiyada safarbar qilinganlarni kuzatish, Ukrainada rus armiyasidan qolgan okoplar. Urushning 231-kunidan fotoreportaj
Rossiyada safarbarlik davom etmoqda — Sankt-Peterburglik tibbiyot xodimlariga MDH hududidan tashqariga chiqish taqiqlandi. 12-oktabr kuni Belgorodda kamida oltita portlash ovozi eshitildi. Mintaqa rasmiylarining ta’kidlashicha, o‘qqa tutish va havo hujumidan mudofaa tizimlarining ishlashi oqibatida bir qancha ko‘chalarda avtomobil va yo‘l qoplamasiga “biroz zarar yetgan”. Ukrainada harbiylar ozod qilingan hududlarni tekshirib chiqmoqda. Meduza urushning 231-kunidan asosiy fotosuratlarni e’lon qildi.
Rossiyada safarbar qilinganlarni kuzatish va tibbiy ko‘rik
Izhevskda safarbar qilinganlarni kuzatish. Oktabr oyining boshiga kelib, mustaqil hisob-kitoblarga ko‘ra, Rossiyada 213 ming kishi safarbar qilingan.Foto: “Kommersant”
Stavropol o‘lkasida safarbar etilganlar Madaniyat va dam olish markazida tibbiy ko‘rikdan o‘tkazilmoqda. Safarbarlik e’lon qilingandan so‘ng, Rossiya Mudofaa vazirligi 300 mingga yaqin odamni xizmatga chaqirishni rejalashtirayotgani haqida ma’lum qilgandi. Shu bilan birga, manbalar, jumladan, Meduza ham kamida bir million kishi harbiy xizmatga chaqirilishi haqida xabar bergan.Foto: “TASS”
Stavropol o‘lkasining Trunovskiy va Izobilnenskiy shahar okruglaridan safarbar qilinganlar tibbiy ko‘rik paytida.Foto: “TASS”
Ukrainadagi urushga safarbar qilinayotgan rossiyaliklar Moskvadagi ko‘cha bo‘ylab yurmoqda.Foto: Anadolu
Xerson yaqinidagi ozod qilingan qishloq
Bolshaya Aleksandrovka qishlog‘idagi darvozada “Z davri” va “Minalangan” yozuvlari. Qishloq oktabr boshida Ukraina Qurolli kuchlari tomonidan qaytarib olindi.Foto: AP Photo
Bolshaya Aleksandrovka qishlog‘ida majaqlangan mashinalar yonidan o‘tayotgan kishi.Foto: AP Photo
Bolshaya Aleksandrovkada yashovchi 72 yoshli ayol uyining yerto‘lasidan chiqmoqda. Uning so‘zlariga ko‘ra, olti oydan ortiq davom etgan Rossiya istilosidan keyin ham u va do‘stlari har kecha shu yerto‘lada tunamoqda.Foto: AP Photo
Bolshaya Aleksandrovkada mahalliy aholi vakili shikastlangan avtobus yonidan o‘tmoqda.Foto: AP Photo
Bolshaya Aleksandrovkadagi vayron qilingan ko‘prik.Foto: AP Photo
Ukraina janubida rus armiyasidan qolgan okoplar
Ukraina harbiylari Xerson viloyatida Rossiya askarlari tomonidan qazilgan okoplarni tekshirmoqda. Hozir bu hudud Ukraina Qurolli kuchlari nazorati ostida.Foto: AP Photo
Xerson viloyatidagi rus okoplari yonida yotgan protivogaz.Foto: AP Photo
Rus harbiylari tomonidan oshxona sifatida foydalaniladigan okop.Foto: AP Photo
Xerson viloyatida rus askarlari qoldirgan okoplar. 13-oktabr kuni Ukraina Qurolli kuchlari Bosh shtabi Tokarevka qishlog‘i yaqinidagi mintaqada “yuqori aniqlikdagi o‘t ochish natijasida” Rossiya 150 nafar askarini yo‘qotgani haqida ma’lum qildi.Foto: AP Photo
Izyumda gumanitar yordam tarqatish
Izyum aholisi ukrainalik ko‘ngillilardan oziq-ovqat va zarur narsalarni olmoqda. Sentabr oyi boshidan buyon shahar aholisi gaz, elektr va suvsiz kun kechirmoqda.Foto: AP Photo
Izyumda gumanitar yordam tarqatish. Izyum aholisi yarim yilni Rossiya bosqinida o‘tkazdi. Kuzning boshida Ukraina Qurolli kuchlari qarshi hujumga o‘tdi va 10-sentabr kuni shaharni ozod qildi.Foto: AP Photo
Izyumda gumanitar yordam.Foto: AP Photo
Izyum shahrida yashovchi kishi ko‘ngillilar tomonidan tarqatilgan oziq-ovqatlarni uyiga olib kelmoqda. Olti oylik Rossiya bosqini davrida, Ukraina rasmiylariga ko‘ra, shaharda turar joy binolari, kasalxonalar va maktablarning 90 foizi vayron bo‘lgan, 24-fevralgacha 50 ming kishidan iborat bo‘lgan aholining mingga yaqini halok bo‘lgan.Foto: AP Photo
Izoh (0)