Samarqand aeroporti chegara-bojxona postiga AQSH vakillari tomonidan radiatsiyani aniqlovchi ilg‘or uskunalar topshirildi. Bu haqda viloyat bojxona boshqarmasi xabar berdi.
Uskunalarni rasmiy topshirish marosimida AQSH energetika vaziri o‘rinbosari yordamchisi Kristine Bent hamda Davlat bojxona qo‘mitasi raisining birinchi o‘rinbosari Ilxom Muxtorov ishtirok etdi.
“AQSHning energetika vazirligi va O‘zbekiston davlat bojxona qo‘mitasi 2006-yildan buyon hamkorlik qilib keladi. Ikkala tashkilot o‘rtasida 2017-yilda memorandum ham imzolangan. Shu bois birinchi marta O‘zbekistonda Samarqand xalqaro aeroportini AQSH hududidan tashqarida hech qaysi mamlakatda o‘rnatilmagan, sun’iy intellektda ishlaydigan radiatsiyaviy moddalarni aniqlovchi uskunalar bilan ta’minladik”, — degan AQSH energetika vaziri o‘rinbosari yordamchisi Kristine Bent.
Qayd etilishicha, uskunaning afzalligi — inson salomatligi uchun zararli bo‘lgan, ko‘z bilan ko‘rib, qo‘l bilan ushlab bo‘lmaydigan radiatsiyaviy moddalarni masofadan aniqlash imkoniyatiga ega. Kelajakda bu kabi uskunalar boshqa chegara bojxona postlariga ham o‘rnatilishi nazarda tutilgan.
Izoh (0)