Turkmaniston prezidenti Serdar Berdimuhamedov mamlakat Ukraina bilan aloqalarni kengaytirishdan manfaatdor ekanini ma’lum qildi. Bu haqda “Neytralniy Turkmenistan” hukumat gazetasi xabar berdi.
Berdimuhamedov o‘zi va Turkmaniston xalqi nomidan ukrainaliklarni ikki davlat o‘rtasida diplomatik munosabatlar o‘rnatilganining 30 yilligi bilan tabrikladi. Uning qo‘shimcha qilishicha, tomonlar o‘zaro hurmat, tenglik va o‘zaro ishonch asosida hamkorlik qiladi.
Davlat rahbari Turkmaniston ikki tomonlama aloqalarni kengaytirishdan manfaatdor ekanini qo‘shimcha qildi. U birgalikdagi sa’y-harakatlar tufayli mamlakatlar o‘rtasidagi hamkorlik bundan buyon ham har ikki xalq manfaatlari yo‘lida rivojlanib borishiga ishonch bildirdi.
Avgust oyida Berdimuhamedov Ukraina prezidenti Vladimir Zelenskiy va butun Ukraina xalqini Mustaqillik kuni bilan tabriklagan edi. U Zelenskiyga sihat-salomatlik, baxt-saodat, Ukraina xalqiga esa barqarorlik va farovonlik tilagan.
Izoh (0)