Buxoroda yer oldi-sotdisi bilan bog‘liq jinoyat fosh etildi, deb xabar bermoqda Bosh prokuratura matbuot xizmati.
Ma’lum qilinishicha, fuqaro A.Sh. Buxoro viloyati IIB JQB Yer resurslari talon-toroj qilinishiga qarshi kurashish bo‘linmasiga qilgan murojaatiga asosan, viloyat prokuraturasi va huquqni muhofaza qiluvchi organ xodimlari bilan hamkorlikda tezkor tadbir o‘tkazildi.
Tadbirda S.S. va A.Sh. Buxoro tumani “Bog‘dasht” mahallasida joylashgan fuqaro Sh.A.ga tegishli bo‘lgan issiqxona qurilishi uchun ajratilgan jami 2 gektar yer maydonining bo‘sh bo‘lgan qismini 8 ming dollarga sotishga kelishib, kelishilgan pullardan 4 ming dollarni ariza muallifidan firibgarlik yo‘li bilan olayotgan vaqtda ashyoviy dalillar bilan ushlangan.
Mazkur holat yuzasidan S.S. va boshqalarga nisbatan Jinoyat kodeksining 25, 168-moddasi 2-qismi “a” bandi va 28, 211-moddasi 1-qismi bilan jinoyat ishi qo‘zg‘atilib, tergov harakatlari olib borishga kirishilgan.
Izoh (0)