Futbol bo‘yicha Chempionlar Ligasining 4-turidan o‘rin olgan ikkita o‘yin 11-oktabr, seshanba kuni o‘tkazildi.
“Manchester Siti” safarda “Kopengagen”ga qarshi bahs olib bordi. Uchrashuvning 25-daqiqasida “shaharliklar” oldinga o‘tib olishi mumkin edi, biroq Riyod Mahrez penaltidan unumli foydalana olmadi.
Buning ustida 30-daqiqada ingliz klubi Serxio Gomesning chetlatilishidan keyin bir o‘yinchi kam bo‘lib qoldi. Biroq uchrashuv davomida hisob ochilmadi.
“Manchester Siti” 11 ochko bilan guruh peshqadami bo‘lib turibdi. “Kopengagen” 3 ochko bilan 3-pog‘onani band etgan. “Borussiya D” (6) va “Sevilya” (1) o‘zaro o‘ynaydi.
Yana bir o‘yinda “Yuventus” Hayfada “Makkabi” mehmoni bo‘ldi va kutilmaganda 0:2 hisobida mag‘lubiyatga uchradi.
Turinliklar 4 turdan keyin 3 ochko jamg‘argan holda 3-o‘rinda bormoqda, “Makkabi”da ham 3 ochko mavjud. Keyinroq o‘zaro o‘ynaydigan “PSJ” va “Benfika”da esa 7 taga ochko mavjud.
YCHL
4-tur bahslari
11-oktabr, seshanba
“Kopengagen” Daniya – “Manchester Siti” Angliya 0:0
“Kopengagen”: Grabara, Yelert, Boylesen, Xocholava (Diks, 80), Lund, Kristiansen, Lerager, Stamenich (Mukayru, 90), Klasson, Xaraldsson (Youxannesson, 60), Darami.“Manchester Siti”: Ederson, Joau Kanselu, Laport (Ake, 88), Akanji, Serxio Gomes, Gundo‘g‘an, de Bryuyne (Bernardu Silva, 77), Grilish (Foden, 78), Rodri, Mahrez (Ruben Diash, 33), Alvares.
Ogohlantirishlar: Lund (36), Stamenich (82), Ruben Diash (90).
Chetlatish: Serxio Gomes (30).
“Makkabi Hayfa” Isroil – “Yuventus” Italiya 2:0
Gollar: 1:0 – 7 Atsili, 2:0 – 42 Atsili.“Makkabi Hayfa”: Koen, Sundgren, Batubinsika, Goldberg, Kornyu (Menahem, 71), Sheri, Lavi, Al-Faz (Tshibota, 86), Atsili (Sek, 66), David (Abu-Fani, 72), Perro (Rukavitsa, 86).
“Yuventus”: Shchensni, Danilo (Kin, 68), Bonuchchi, Rugani, Aleks Sandro (Soule, 74), Makkenni (Kostich, 46), Kuadrado, Paredes (Lokatelli, 46), Rabyo, Di Mariya (Milik, 24), Vlahovich.
Ogohlantirishlar: Kornyu (27), Makkenni (45), Lokatelli (81).
Izoh (0)