Toshkent viloyati Toshkent tumanida Gentra bilan to‘qnashgan Cobalt yonib ketdi. Bu haqda FVV matbuot xizmati xabar berdi.
Qayd etilishicha, 11-oktabr kuni soat 06:40 da “Ko‘ksaroy” MFY Shifobaxsh suvlar ko‘chasi Toshkent xalqa avtomobil yo‘lida harakatlanib ketayotgan Cobalt haydovchisi boshqaruvni yo‘qotib, qarama-qarshi yo‘nalishda harakatlanib kelayotgan Gentra bilan to‘qnashgan. Oqibatda Cobalt’da yong‘in ro‘y bergan.
Voqea joyiga Toshkent tumanidan bitta yong‘in-qutqaruv ekipaji soat 06:46 da yetib borib, yong‘in soat 06:48 da o‘rab olingan va soat 06:50 da o‘chirilgan.
Xabarda jabrlanganlar bor-yo‘qligi haqida ma’lumot keltirilmagan.
Izoh (0)