Аfg‘onistonda 11-oktabr kuni Toshkent vaqti bilan soat 13:10 da sodir bo‘lgan zilzila kuchi O‘zbekistonda sezildi.
FVV Seysmoprognostik monitoring Respublika markazi xabariga ko‘ra, Toshkentdan 573 kilometr janubiy-g‘arbda kuzatilgan zilzila o‘chog‘i 15 kilometr chuqurlikda, magnitudasi 5,2 ballga teng bo‘lgan.
O‘zbekistonda sezilish kuchi Surxondaryo viloyatida 3 ballni, Qashqadaryo viloyatida 2 ballni tashkil etgan.
Shu kuni soat 04:23 da Аfg‘onistonda sodir bo‘lgan zilzila kuchi Surxondaryo va Farg‘ona viloyatlarida sezilgandi.
Izoh (0)