Farg‘ona viloyatining Oltiariq tumanida pul evaziga o‘qishga kiritib qo‘yishni va’da qilgan shaxs ushlandi. Bu haqda “Daryo”ga viloyat IIB axborot xizmati ma’lum qildi.
Qayd etilishicha, 2022-yilning 8-sentabr kuni fuqaro Yu.I. viloyat Ichki ishlar boshqarmasiga murojaat qilib, I.I. ismli shaxs farzandini Andijon davlat tibbiyot institutiga o‘qishga kiritib qo‘yishini aytib, 2 ming dollar pulini olib, o‘z ehtiyojlariga sarflab yuborganini bildirib, unga nisbatan qonuniy chora ko‘rishni so‘ragan.
Olib borilgan tergovga qadar tekshiruv ishlari davomida, I.I. o‘qishga kiritib qo‘yishini aytib, D.N. ismli ayoldan 2 ming 100 dollari, X.N. ismli ayoldan 600 dollar, N.Sh. ismli ayoldan 1 ming 200 dollar miqdoridagi pullarni firibgarlik yo‘li bilan qo‘lga kiritgani ma’lum bo‘ldi.
Mazkur holat yuzasidan Oltiariq tumani IIB huzuridagi tergov bo‘limi tomonidan Jinoyat kodeksining 168-moddasi 3-qismi “b” bandi (firibgarlik) bilan jinoyati ishi qo‘zg‘atilgan.
Izoh (0)