Nigeriya prezidenti Muhammad Buxariy mamlakat janubi-sharqida qayiq ag‘darilishi oqibatida 76 kishi halok bo‘lganini ma’lum qildi. Bu haqda Deutsche Welle xabar bermoqda.
Hodisa Anambra shtatining suv toshqinlaridan vayron bo‘lgan tumanida sodir bo‘lgan, haddan tashqari to‘la qayiq bortida taxminan 85 kishi bo‘lgan. Buxoriy voqea joyiga tez yordam xizmati yuborilganini aytmoqda.
“Xabarlarga ko‘ra, shtatning Ogbaru tumanida suv toshqini oqibatida ichida 85 kishi bo‘lgan qayiq ag‘darilib ketgan, favqulodda vaziyatlar organlari esa qurbonlar soni 76 kishi ekanini tasdiqlagan”, — deyiladi prezident ofisida.
Rasmiy manbalarning aytishicha, 10 kishi halok bo‘lgan, 60 kishi bedarak yo‘qolgan. Anambra shtat favqulodda vaziyatlar boshqarmasi rahbari 15 kishi qutqarib olinganini ma’lum qildi.
Nigeriyadagi suv toshqinlari oqibatida 300 dan ortiq odam halok bo‘ldi, 100 ming kishi uy-joyidan ayrildi. Qutqaruv xizmatlari ma’lumotlariga ko‘ra, bu 2012-yildan beri mamlakatdagi eng dahshatli suv toshqinidir.
Shunga o‘xshash qayiq halokatlari Nigeriyada xavfsizlik standartlarining pastligi, tezlikni oshirish, haddan tashqari ko‘p odamlar bir qayiqqa o‘tirishi va dengiz harakati qoidalariga rioya qilmaslik tufayli tez-tez sodir bo‘ladi.
Izoh (0)