Rossiya hududlarida safarbarlik munosabati bilan Yangi yil tadbirlari va boshqa bayramlar bekor qilina boshlandi

Rossiyaning bir qator hududlarida mamlakatdagi safarbarlik munosabati bilan har qanday bayram tadbirlari, jumladan Yangi yil tantanalarini ham bekor qilindi, deya xabar beradi Meduza.

Sankt-Peterburg, Leningrad viloyati va Nijniy Novgorodda boshlangan safarbarlik tufayli yangi yil bayramlarini o‘tkazishdan bosh tortdilar. Shu bilan birga, uchala viloyatda ham bolalarning yangi yil tadbirlari bekor qilinmasligi ta’kidlandi.

Sankt-Peterburgda Saroy maydoni va Nevskiy prospektidagi konsert, feyerverklar va Taurid saroyidagi ziyofat bekor qilindi. Leningrad viloyatida barcha mintaqaviy ommaviy ko‘ngilochar tadbirlar, shu jumladan Yangi yil korporativ kechalari ham bekor qilindi. Nijniy Novgorodda ommaviy tadbirlar, mushakbozlik va konsertlar ham to'xtatildi.

“Biz tejalgan mablag‘ni ko‘ngillilar va safarbar qilinganlar uchun qo‘shimcha jihoz va aslahalar sotib olishga sarflaymiz”, — deb yozdi Sankt-Peterburg gubernatori Aleksandr Beglov o‘zining Telegram kanalida.