Qozog‘iston va O‘zbekiston chegarasidagi “Qozig‘urt” nazorat-o‘tkazish punkti bir kunga yopildi. Bu haqda Qozog‘iston Moliya vazirligining davlat daromadlari qo‘mitasi xabar berdi.
Ma’lum qilinishicha, “Qozig‘urt” (Qozog‘iston) va unga tutash “S.Najimov” (O‘zbekiston) o‘tkazish punkti 6-oktabr soat 09:00 dan 7-oktabr soat 09:00 gacha fuqarolar va avtotransport vositalarining o‘tishi uchun yopildi.
Ushbu o‘tkazish punkti “O‘ztransgaz” aksiyadorlik jamiyati tomonidan har ikki davlatning nazorat-o‘tkazish punktlari o‘rtasidan o‘tuvchi gaz quvurlarini gidravlik sinovdan o‘tkazish munosabati bilan yopilgan.
Qozog‘iston—O‘zbekiston chegarasidagi boshqa nazorat-o‘tkazish punktlari odatdagidek ishlashda davom etadi.
Izoh (0)