Navoiyda 16 sotix zaxiradagi yerni 83 mln so‘mga sotmoqchi bo‘lgan shaxs ushlandi

Navoiy shahrida zaxiradagi yer maydonini sotmoqchi bo‘lgan shaxs ushlandi. Bu haqda Iqtisodiy jinoyatlarga qarshi kurashish departamenti xabar berdi.

Qayd etilishicha, Bosh prokuratura huzuridagi departamentning Navoiy shahri bo‘limi tomonidan IIB xodimlari bilan hamkorlikda tezkor tadbir o‘tkazilgan. Unda fuqaro E.M. boshqa bir fuqaro D.ga 83 million so‘mga zaxiradagi 16 sotix yer maydonini sotishga kelishib, aldov yo‘li bilan 6 ming dollar va 17 million so‘mni olgan vaqtida ashyoviy dalillar bilan ushlangan.

Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.

Mavzuga doir:

• O‘zbekistonda noqonuniy yer oldi-sotdisi bo‘yicha rekord yangilanmoqda
• Farg‘onada fuqaro issiqxona qurish uchun ajratilgan yerni 35 ming dollarga sotmoqchi bo‘lganida qo‘lga tushdi
• Farg‘onada 23 sotix yerni 15 ming dollarga sotmoqchi bo‘lgan tadbirkor ushlandi