AQSH prezidenti Jo Bayden G20 yetakchilarining Balidagi navbatdagi uchrashuvida Rossiya prezidenti Vladimir Putin bilan uchrashishi mumkinligini tan oldi, deb xabar berdi “RBK”.
Moskva ham, Oq uy ham Rossiya va AQSH prezidentlarining G20 sammitidagi uchrashuviga tayyorgarlik ko‘rish bo‘yicha aniq ma’lumotlarni e’lon qilmagan. Vashington Ukraina prezidentining ham sammitda ishtirok etishini talab qildi, garchi u G20’ga kirmasa ham.
Yuzma-yuz uchrashuv va muzokaralar bo‘lishi mumkinmi, degan savolga Bayden “Ko‘ramiz”, deb javob berdi.
G20 sammiti (eng rivojlangan va rivojlanayotgan iqtisodiyotiga ega mamlakatlar, jumladan, Yevropa Ittifoqi davlatlari, AQSh, Rossiya, Xitoy, Buyuk Britaniya, Braziliya, Saudiya Arabistoni va boshqalarni birlashtiradi) 15—16-noyabr kunlari Balida bo‘lib o‘tadi. Indoneziya aprel oyida G20 yetakchilariga taklif yubordi. Ukraina assotsiatsiyaga a’zo bo‘lmasa-da, tadbirga prezident Vladimir Zelenskiy ham taklif etilgan.
Mavzuga doir:
Izoh (0)