Toshkent shahri Yashnobod tumanidagi “Yangi O‘zbekiston” bog‘i ro‘parasida daraxtlarning yonib, kesib ketilgan holati haqida Telegram’dagi “Kusherbayevga_murojaat” kanalida ma’lum qilingandi. Deputat Rasul Kusherbayevning xabar berishicha, shahar prokuraturasi holatga munosabat bildirdi.
Munosabatda aytilishicha, Yashnobod tumanidagi ushbu hudud “Musamuxamedova-Djurayeva Dilfuza” fermer xo‘jaligi maydoni bo‘lib, unda jami 533 tup, shundan 2 tup yong‘oq, 446 tup olxo‘ri, 83 tup terak daraxtlari noma’lum shaxslar tomonidan yoqib yuborilgan.
Holat yuzasidan Yashnobod tumani prokuraturasi tomonidan Jinoyat kodeksining 198-moddasi (ekinzorlarni, o‘rmonlarni, daraxtlarni yoki boshqa o‘simliklarni shikastlantirish yoxud nobud qilish) 1-qismi bilan jinoyat ishi qo‘zg‘atilgan. Yashnobod tumani IIO FMB tergov bo‘limi tomonidan dastlabki tergov harakatlari olib borilmoqda.
Izoh (0)