Putin yana Rossiya konstitutsiyasini o‘zgartirdi. Bu safargi o‘zgarish bosib olingan hududlarni “Rossiyaga qabul qilish” uchun

Rossiya prezidenti Vladimir Putin mamlakat konstitutsiyasiga yana bir bor o‘zgartirish kiritdi, deb yozadi Meduza.

Putin 5-oktabr, chorshanba kuni anneksiya qilingan hududlar — o‘zini o‘zi e’lon qilgan DXR, LXR, Zaporojye va Xerson viloyatlari  bosib olingan Ukrainaning boshqa qismlarini “Rossiya tarkibiga qabul qilish” to‘g‘risidagi qonunlar asosida o‘zgartirishlar kiritilgan konstitutsiya matnini nashr etish to‘g‘risidagi farmonni imzoladi.

Undan tashqari, yana bir farmon bilan Putin Rossiya hukumatiga Ukrainaning bosib olingan Zaporojye viloyatida joylashgan Zaporojye atom elektr stansiyasining “yadroviy inshootlarini” federal mulkka qabul qilishni topshirdi. Hujjatga ko'ra, hukumat “Zaporojye AES” federal davlat unitar korxonasini yaratishi kerak.

Mavzuga doir: Kreml Putin tug‘ilgan kunini qanday nishonlamoqchiligini ma’lum qildi