Luis Suares JCH—2022 dan so‘ng AQSH klubiga o‘tadi

Hujumchi Luis Suares Qatarda bo‘lib o‘tadigan Jahon Chempionatidan so‘ng faoliyatini “Los-Anjeles Gelaksi”da davom ettirishi mumkin.

“Nasional” jamoasi prezidenti Xose Fuentes 35 yoshli futbolchining shartnomasi 2022-yil oxirida yakuniga yetishi ma’lum qildi. Suares erkin agent sifatida AQSH klubi safiga qo‘shiladi.

Avvalroq hujumchiga Yevropaning bir nechta klubidan taklif borligi xabar qilingandi.

Urugvaylik hujumchi 2022-yil iyul oyida “Nasional” bilan shartnoma imzolagan va klub safida 11 o‘yinda 4 ta gol, 3 ta golli uzatmaga mualliflik qilgan.

Luis Suares faoliyati davomida “Groningen”, “Ayaks”, “Liverpul”, “Barselona” va “Atletiko”da to‘p surgan.