2022-yilda Ucell Samarqandda 5G beshinchi avlod aloqa standartining 20 ta obyektini ishga tushirgan

Shanxay hamkorlik tashkilotini o‘tkazishga hozirlik ko‘rish davomida, Samarqandni rekonstruksiya qilish dasturini amalga oshirish, yangi infrastruktura obyektlarini qurishda O‘zbekiston axborot texnologiyalari va kommunikatsiyalarini rivojlantirish vazirligi salmoqli hissa qo‘shdi.

Ishonchli aloqa va tezkor internet bilan ta’minlash bo‘yicha mas’uliyatli vazifani, mobil operatorlar, shu jumladan, “COSCOM” OAJ (Ucell savdo belgisi) bajardi. Bu haqda Ucell tomonidan Samarqandda jurnalistlar uchun tashkil qilingan press-tur davomida ma’lumot berildi.

Jumladan, Ucell Samarqand hududida 2022-yilda 325 ta obyekt ishga tushirildi, xususan:

• 47 ta 2G (ovozli aloqa) formatidagi obyekt;
• 57 ta 3G formatidagi obyekt;
• 201ta tezkor internetni ta’minlovchi LTE 4G formatidagi obyekt.

Ta’kidlash joiz, 5G beshinchi avlod aloqa standartining 20ta obyekti ishga tushirilgan.

Asosiy ish uchta lokatsiya: “Samarqand” xalqaro aeroporti, Silk Road Samarkand turistik markazi va Samarqand viloyatining hududlarida amalga oshirildi.

Aeroport hududini ham ichkaridan, ham tashqaridan to‘liq qoplashni ta’minlash uchun bitta tashqi tayanch stansiya qurish va ichkarida butun bir kompleksni barpo etishga qaror qilindi. Tashqi tayanch stansiya yaqin-atrofdagi hudud (avtoturargohlar, kirishdagi yo‘llar, aeroportning tashqi hududi, shuningdek, aeroport ortidagi zahira hudud)ni 2G/3G/4G aloqa bilan ta’minlaydi.

Ichki kompleks barcha terminal qavatlari, xususan, yerto‘la hududini 3G/4G/5G aloqa bilan ta’minlaydi.

Silk Road Samarkand turistik markazidagi obyektlarni qurish bosqichidayoq, aloqani ta’minlash uchun suv uzatish minorasida tayanch stansiya o‘rnatildi. Keyinroq perimetr bo‘ylab to‘rtta tayanch stansiya qurildi. Bundan tashqari, mehmonxonalarning maxsus oynalarini hisobga olgan holda, har 9 ta obyektni 2G/3G/4G aloqa bilan ichkaridan qoplashga qaror qilindi. Shuningdek, mehmonxonalarda 5G aloqasi bilan ta’minlangan VIP hududlar ham mavjud. Yakunda jami 5 ta tashqi va 9 ta bino ichkarisidagi obyekt qurildi.

SHHT arafasida 2G/3G/4G/5G aloqasi bilan Silk Road Samarkand turistik markazi hududi va shaharni qamrab olish rejalashtirilgan edi. Tayanch stansiyani ishga tushirishda asosiy o‘ringa ega obyektlar shaharga va magistral liniyalarga tortib kelindi. 8 ta 4G formatidagi stansiya modernizatsiya qilindi va 29 yangi tayanch stansiya foydalanishga topshirildi.

Reklama huquqi asosida.