2022-yil fevralidan beri Ukrainada Belarus va Rossiyaning umumiy qiymati 44 milliard grivna (taxminan 1,2 milliard dollar) miqdoridagi aktivlari mamlakatda musodara qilingan. Bu haqda “Kommersant” xabar bermoqda.
Musodara qilingan eng muhim aktivlar qatoriga quyidagilar kiradi: vagonlar va vagonlardagi inventarlar 500 million dollar, moliya institutlarining 350 million dollarlik aktivlari, yoqilg‘i quyish shoxobchalari aktivlari 54 million dollar, qiymati 35 million dollar bo‘lgan bir nechta savdo markazlari va boshqalar, — deyiladi mamlakat Vazirlar Mahkamasi saytidagi bayonotda.
Shuningdek, Iqtisodiy xavfsizlik byurosi Rossiya va Belarus bilan aloqador 23 ta yuridik shaxslar ro‘yxatini tuzgani, Ukraina ularni xalqaro sanksiyalar ro‘yxatiga kiritishni so‘ragani aytiladi.
Ukraina hukumati xalqaro hamjamiyatni urushlardan keyin mamlakatni qayta tiklash uchun muzlatilgan Rossiya aktivlarini mamlakatga topshirishga chaqirmoqda.
Tashabbus Yevropaning bir qator davlatlari tomonidan tanqid qilinmoqda: xususan, Shveysariya rasmiylari bunday tartib G‘arb xususiy mulk instituti nufuziga putur yetkazishidan qo‘rqadi.
Avvalroq rossiyalik oligarxning musodara qilingan yaxtasi 37,5 million dollarga sotilgani haqida xabar berilgandi.
Izoh (0)