Ronaldu yanvarda “Manchester Yunayted”ni tark etmoqchi

“Manchester Yunayted” hujumchisi Krishtianu Ronaldu qishki transfer oynasida mankunianlar safini tark etishi mumkin.

The Telegraph nashrining xabar qilishicha, jamoa ustozi Erik ten Hag portugaliyalikning ketishiga qarshi emas. Avvalroq niderlandiyalik mutaxassis Ronalduni jamoada saqlab qolmoqchi ekani aytilgandi.

“Manchester Yunayted” Ronaldu borasida foydali taklif ololsa, uni yanvarda qo‘yib yuborishga tayyor.

Krishtianuning o‘zi yaqin vaqt ichida ko‘proq o‘yin amaliyotiga ega bo‘lib, JCH—2022 da muvaffaqiyatli harakat qilish istagida. Bu orqali Ronaldu yanvarda YCHLda o‘ynaydigan klubga o‘tish imkoniyatlarini oshirib olmoqchi.

Ronaldu joriy mavsum APLda oltita o‘yin o‘tkazib, birorta samarali harakat amalga oshira olmadi.