O‘zbekistonda davlat chegarasini kesib o‘tishda transport va tovarlar ustidan nazorat kuchaytiriladi. Bu haqda Norma xabar berdi.
Vazirlar Mahkamasining 30-sentabrdagi “O‘zbekiston Respublikasi Vazirlar Mahkamasining 18.11.2019 yildagi “O‘zbekiston Respublikasining Davlat chegarasi orqali o‘tkazish punktlarida chegara, bojxona, sanitariya-karantin, fitosanitariya va veterinariya nazoratini tashkil etish tartibini yanada takomillashtirish to‘g‘risida”gi 912-sonli qaroriga o‘zgartirish va qo‘shimchalar kiritish haqida”gi 555-sonli qarori imzolandi.
Hujjat bilan qarorning ayrim atamalariga aniqlik kiritilib, yangi atamalar bilan to‘ldirilmoqda. Misol uchun “chegara ko‘rigi” — bu DXXning Chegara qo‘shinlari bo‘linmalari tomonidan transport vositalari va tovarlarda nazoratdan yashiringan shaxslar yoki Davlat chegarasi orqali olib o‘tish taqiqlangan tovarlarni aniqlash bo‘yicha amalga oshiriladigan kompleks tadbirlar majmui.
Shuningdek, Davlat chegarasini kesib o‘tayotgan avtotransport vositalari va tovarlarni ko‘rikdan o‘tkazish bojxona organlari va chegara xizmati vakillaridan iborat qo‘shma naryadlar tomonidan amalga oshiriladi. Hujjat qonun hujjatlari ma’lumotlari milliy bazasida e’lon qilingan va kuchga kirdi.
Mavzuga doir: O‘zbekistonda davlat chegarasini kesib o‘tishda transport va tovarlar ustidan nazorat kuchaytiriladi
Izoh (0)