Iqtisodiy hamkorlik va taraqqiyot tashkiloti (OECD) a’zosi bo‘lgan Yevropada yanvardan avgustgacha gaz iste’moli o‘tgan yilga nisbatan 10 foizga, ishlab chiqarishda esa 15 foizga kamaydi. Bu haqda “Kommersant” xabar bermoqda.
Xitoyda bu vaqt ichida gazga bo‘lgan talab 1 foizdan oshmadi, elektr ishlab chiqarishda gazdan foydalanish hajmi esa 9 foizga kamaydi.
Yaponiyada bu borada turg‘unlik, Hindistonda 4 foiz va Janubiy Koreyada 3 foizga pasayish qayd etildi. O‘sish birinchi navbatda AQSH (4 foiz) va Kanadada (8 foiz) kuzatildi.
Natijada joriy yilda gazga bo‘lgan umumiy talab 0,8 foizga kamayishi mumkin, kelgusi yilda esa atigi 0,4 foizga o‘sadi.
Rossiyadan gaz yetkazib berish to‘liq to‘xtatilgan taqdirda Yevropa mamlakatlari joriy qishda iste’molni yana ham qisqartirishga majbur bo‘ladi.
Hozirgacha Yevropa Ittifoqi davlatlari 1-avgustdan 31-martgacha (besh yillik o‘rtacha iste’mol darajasiga nisbatan) ixtiyoriy ravishda 15 foizga kamaytirishga kelishib olgan.
Omborlarni kamida 25 foiz (sentabr oxirida 87 foiz) to‘ldirishni ta’minlash uchun isitish mavsumi oxirigacha talabni 9 foizga, 33 foiz to‘ldirish darajasini ta’minlash uchun esa 13 foizga kamaytirish kerak.
Yil boshidan beri Rossiya gazining Yevropa Ittifoqiga yetkazib berilishi (“Shimoliy oqim” to‘xtatilishidan oldin) yillik hisobda 45 foizga (45 milliard kub metrgacha) kamaydi.
Uchinchi chorakda import darajasi 10 milliard kub metrdan kam bo‘ldi (o‘tgan yilning shu davriga nisbatan 70 foizga pasayish), Norvegiya yil boshidan buyon eksportni 8 foizga (6 milliard kub metr), Ozarbayjon 50 foizga (2,5 mlrd kub metr) oshirdi.
Yetkazib berish tanqisligini o‘rnini bosuvchi asosiy manba suyultirilgan gaz (LNG) importi bo‘lib, u 65 foizga oshdi va 110 milliard kub metrga yetdi.
Izoh (0)