Rossiyadagi ikkita observatoriya 1-oktabrga o‘tar kechasi Yerga yaqinlashib kelayotgan yangi asteroidni aniqladi, unga 2022 SE37 nomi berildi, deb yozadi “RBK” Rossiya Fanlar akademiyasi M.V. Keldish nomidagi amaliy matematika institutiga tayanib.
Asteroidning diametri yarim kilometrdan oshadi, u uzun orbita bo‘ylab quyosh atrofida 3,44 yilda to‘liq aylanadi. “Yaqin kelajakda Yer uchun xavf tug‘dirmaydi”, — deya ma’lum qilishdi institutda.
Xabarga Kochevanchik qishlog‘idagi teleskop hamda Kuban davlat universiteti teleskopi orqali olingan asteroid tasvirlari ilova qilingan.
Eslatib o‘tamiz, avvalroq NASA zondi Yerga yaqinlashib kelayotgan futbol maydoni kattaligidagi Dimorfos asteroidiga zarba berib, uning parvoz trayektoriyasini o‘zgartirishga muvaffaq bo‘lgandi.
Izoh (0)