Ukrainaning Xerson viloyatidagi okkupatsion hukumat vakili Aleksey Katerinichev Ukraina Qurolli Kuchlarining HIMARS baravar o‘t ochuvchi reaktiv tizimidan berilgan zarbalar oqibatida halok bo‘ldi. Bu haqda “TASS” muxbiriga Xersonning Rossiya tomonidan bosib olingan hududi harbiy-fuqarolik ma’muriyati rahbari o‘rinbosari Kirill Stremousov ma’lum qildi.
Uning so‘zlariga ko‘ra, 30-sentabrga o‘tar kechasi Xerson markazidagi Katerinichev yashaydigan binoga ikkita raketa kelib tushgan.
Aleksey Katerinichev Xersonning Rossiya tomonidan tayinlangan ma’muriyatida hukumat rahbarining birinchi o‘rinbosari bo‘lib ishlardi.
Rossiya Jamoatchilik palatasi ma’lumotlariga ko‘ra, Katerinichev Xerson viloyatidagi lavozimida bir yarim oy ishlagan. Bunga qadar u 25 yil chegara qo‘shinlari va Federal xavfsilzik xizmati bo‘linmalarida xizmat qilgan. 2021-yildan buyon “Lider” Maxsus xavf ostidagi qutqaruv operatsiyalari markazi rahbarining birinchi o‘rinbosari lavozimida ishlab kelayotgan edi.
Mavzuga doir: Luganskdagi portlashda LXR bosh prokurori halok bo‘ldi
Izoh (0)