Toshkent viloyatida pul evaziga uch nafar xorijlikka O‘zbekistonga kirish vizasi tayyorlab bermoqchi bo‘lgan shaxs ushlandi. Bu haqda Bosh prokuratura huzuridagi departament xabar berdi.
Departamentning Toshkent viloyat boshqarmasi tomonidan DXX xodimlari bilan hamkorlikda o‘tkazilgan tezkor tadbirda, fuqaro L.M. boshqa bir fuqaro Yu.ning ishonchiga kirib, go‘yoki yuqori lavozimda ishlovchi tanishlari yordamida 2 500 dollar evaziga uning tanishlari bo‘lgan uch nafar xorij fuqarosiga O‘zbekistonga kirish vizasini tayyorlab berishni va’da qilib, jami 7 500 dollarni olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)