Qozog‘iston prezidenti Qosim-Jo‘mart To‘qayev Birinchi prezident kunini davlat bayramlari ro‘yxatidan chiqarib tashlash to‘g‘risidagi qonunni imzoladi. Bu haqda mamlakat prezidenti matbuot xizmati xabar berdi.
“Davlat rahbari ‘Qozog‘iston respublikasining ayrim qonun hujjatlariga kinematografiya, madaniyat va bayramlar masalalari bo‘yicha o‘zgartish va qo‘shimchalar kiritish to‘g‘risida’gi qonunni imzoladi”, — deyiladi xabarda.
Ushbu qonun bilan 1-dekabrda nishonlanadigan Qozog‘iston birinchi prezidenti kuni davlat bayramlari ro‘yxatidan chiqariladi.
Qozog‘iston Majilisi (parlament quyi palatasi) deputatlari 7-sentabr kuni ushbu bayramni davlat bayramlari ro‘yxatidan chiqarishni taklif qilgan edi. 22-sentabrda tashabbus Senat tomonidan qo‘llab-quvvatlandi.
Qozog‘istonda Birinchi prezident kuni 1-dekabrda nishonlandi va u dam olish kuni hisoblanardi. Bayram davlatning birinchi rahbari Nursulton Nazarboyev sharafiga tashkil etilgan: 1991-yil 1-dekabrda u respublika prezidenti etib saylangan. Ushbu bayramga davlat bayrami maqomini berish to‘g‘risidagi qonun 2011-yil 14-dekabrda imzolangan edi.
Izoh (0)