Rossiyaliklar Qozog‘istonning Buyuk Britaniya va Rossiya poytaxtida joylashgan elchixonalariga gullar va minnatdorchilik maktublarini olib kelmoqda. Bu haqda Tengrinews nashri xabar bermoqda.
Qozog‘istonning Buyuk Britaniyadagi elchixonasida suratga olingan shu mazmundagi kadrlar ijtimoiy tarmoqlarda tarqalmoqda.
Tasvirlarda bir haftadan ortiq vaqtdan beri rossiyaliklarni qabul qilib kelayotgan Qozog‘istonga minnatdorchilik belgisi sifatida, elchixonaga gullar, maktublar va plakatlar qoldirilayotgani ko‘rsatilgan.
Tashlab ketilgan plakatlarda “Köp rahmet” , “Thank you” so‘zlari, shuningdek, hozirda qozog‘istonliklar ruslarni qutqarayotgani haqida ham qayd etilgan.
Yana bir Twitter foydalanuvchisi Aleksandra Astaxova Moskvada joylashgan bino oldida nimalar bo‘layotganini o‘z sahifasida e’lon qilgan. U gullar surati va shunday deb yozilgan plakatni joylashtirdi: “Qozog‘iston! Yaxshiligingiz uchun rahmat! Erkaklarimizga boshpana berganingiz uchun rahmat!”
https://twitter.com/AleAstakhova/status/1575147471399002114
Izoh (0)