Rossiya Mudofaa vazirligi safarbar qilinganlarning frontdagi vazifasini ma’lum qildi

Rossiya Mudofaa vazirligi safarbarlikka chaqirilgan fuqarolar jangovar harakatlarni muvofiqlashtirishni “jangovar topshiriqlar bajarilayotgan hududlarga yaqin joylashgan poligonlarda” boshlaganini ma’lum qildi, deb yozadi Meduza.

Jangovar muvofiqlashtirish ishlari olib borilgandan so‘ng safarbar qilingan fuqarolar va ko‘ngillilardan iborat bo‘linmalar bosib olingan hududlarni nazoratga olish va mudofaa qilish, shuningdek, zaxira va mustahkamlash bo‘linmalari tarkibiga kiruvchi vazifalarni bajarishga kirishadi.

Mudofaa vazirligi “zaxira va mustahkamlash bo‘linmalari” haqida gapirganda nimani anglatishini to‘liq tushunib bo‘lmaydi. Rasmiy ravishda bunday tushunchalar mavjud emas. Ehtimol, bunda yangi aloqalarni yaratish (“zaxira”) va mavjudlarini to‘ldirish (“mustahkamlash”) haqida gap ketmoqda.