Andijonda 70 ming dollarni bojxonachilardan yashirib Qirg‘izistonga olib o‘tmoqchi bo‘lgan bir guruh fuqarolar qo‘lga tushdi. Bu haqda viloyat bojxona boshqarmasi xabar berdi.
Qayd etilishicha, Andijon viloyati bojxona boshqarmasi “Do‘stlik” chegara bojxona postiga chiqish piyoda yo‘lagi orqali Qirg‘izistonga o‘tib ketish maqsadida kirib kelgan bir necha fuqarolarning harakati bojxonachilar e’tiborini tortgan. Shundan so‘ng ushbu fuqarolar qonunchilikda belgilangan tartibda bojxona shaxsiy ko‘rigidan o‘tkazilgan.
O‘tkazilgan bojxona ko‘rigi natijasida, ushbu fuqarolarning yonidan deklaratsiyada ko‘rsatilmagan va bojxonachilarning og‘zaki so‘rovida ma’lum qilinmagan jami 70 ming AQSH dollari mavjud ekanligi aniqlangan.
Hozirda mazkur holat yuzasidan Andijon viloyati bojxona boshqarmasi tomonidan tergovga qadar tekshiruv harakatlari davom ettirilmoqda.
Izoh (0)