Eron prezidenti O‘zbekiston bilan vizasiz rejim joriy qilish masalasiga to‘xtaldi

O‘zA SHHT sammiti doirasida Eron prezidenti Sayid Ibrohim Raisiy bilan suhbat uyushtirgan edi. Eron rahbari muloqot davomida ikki davlat o‘rtasida vizasiz rejim joriy qilish masalasiga to‘xtalib o‘tdi.

Turizm ko‘p sonli aholiga ega bo‘lgan mamlakatlarimiz uchun keskin rivojlantirsa bo‘ladigan aniq-ravshan imkoniyatdir. Bizni quvontiradigani shuki, ikki mamlakat turistik jozibadorlik bo‘yicha dunyoda yuqori o‘rinlarni egallaydi. Biz o‘zaro aviaqatnov sonini oshirish va vizasiz tartib o‘rnatish orqali iqtisodiy hamkorlikni yuqori nuqtaga chiqara olishimiz mumkin.

Eron va O‘zbekiston o‘rtasida savdo-iqtisodiy aloqani kengaytirishga qaratilgan ko‘plab shartnomalar imzolangan. Fikrimizcha, bu yetarli emas, mavjud imkoniyatga mos emas. Shubhasiz, har ikki mamlakatda nisbatan ustunlikni ta’minlaydigan va bir-biri iqtisodiyotiga ijobiy ta’sir ko‘rsatadigan salohiyat bisyor, — dedi Raisiy.

• “Tarixiy tashrif”: Shavkat Mirziyoyev Eron prezidenti bilan qator sohalar bo‘yicha hamkorlikni muhokama qildi
• Shavkat Mirziyoyev va Eron prezidenti hamkorlikni kengaytirish masalalarini muhokama qilmoqda