“Ularni kim deb atash mumkin?” Sardor Umrzoqov maishatboz rahbarlarni tanqid qildi

Ayni daqiqalarda bo‘lib o‘tayotgan videoselektor yig‘ilishida Prezident administratsiyasi rahbari Sardor Umrzoqov maishatboz rahbarlar haqida gapirdi.

“Bunday xunuk holatlarni faqat biz emas, butun xalqimiz, keng jamoatchilik ko‘rib-bilib turibdi. Jamiyat uyg‘ongan, jamoatchilik nazorati kuchaygan bugungi zamonda hech bir mutasaddining yurish-turishi nazardan chetda qolmaydi.

Hurmatli prezidentimiz yuksak ishonch bildirib aytgan “Hokimlar — mening vakilim” degan so‘zlarini suiiste’mol qilib, bunday sharafli mas’uliyatni unutgan hokimlarni, xalqni aldash, maishatbozlik qilish, islohotlarga bepisand qarash bilan kun o‘tkazayotgan mas’ul shaxslarni kim deb atash mumkin?”, — dedi administratsiya rahbari.