Ijtimoiy tarmoqlarda noma’lum erkak va ayol Toshkentning Abay ko‘chasida o‘rnatilgan drenaj panjaralarini o‘g‘irlagani aks etgan video tarqalib, ko‘plab muhokamalarga sabab bo‘lmoqda. Poytaxt IIBB ularning shaxsini aniqlash choralari ko‘rilayotganini ma’lum qildi.
Qayd etilishicha, 26-sentabr kuni Shayxontohur tumani IIO FMBga 44 yoshli T.Z. ariza bilan murojaat qilib, Abay ko‘chasidagi beton ariqcha ustiga o‘rnatilgan drenaj panjaralar yo‘qolganini, ularni topishda amaliy yordam berishni so‘ragan.
Tezkor tadbir davomida voqea joyida o‘rnatilgan videokuzatuv kamera yozuvlari o‘rganilgan. Ma’lum bo‘lishicha, shaxsiga aniqlik kiritilayotgan erkak va ayol Matiz’ga mazkur temir panjaralarni ortib ketgani aniqlangan.
“Hozirda o‘g‘rilikda gumon qilinayotgan shaxslarni aniqlash bo‘yicha tezkor tadbirlar davom ettirilib, tergovga qadar tekshiruvlar o‘tkazilmoqda. Uning natijalariga ko‘ra qonuniy qaror qabul qilinadi”, — deyiladi xabarda.
Izoh (0)