Saudiya Arabistoni podshohligi haj va umra ishlari vaziri Tavfiq bin Favzon ar-Rabia boshchiligidagi delegatsiya 27-sentabr kuni O‘zbekistonga tashrif buyurdi. Bu haqda Musulmonlar idorasi axborot xizmati xabar berdi.
Martabali mehmonlarni Islom Karimov nomidagi Toshkent xalqaro aeroportida prezident maslahatchisi Muzaffar Komilov, Din ishlari bo‘yicha qo‘mita raisi Sodiq Toshboyev, O‘zbekiston musulmonlari idorasi raisi, muftiy Nuriddin Xoliqnazarov va bir guruh mutasaddilar kutib oldi.
Mazkur tashrifdan asosiy maqsad O‘zbekiston va Saudiya Arabistoni Podshohligi o‘rtasidagi hamkorlik munosabatlarini takomillashtirish, ayniqsa, diniy-ma’rifiy, ilmiy-tadqiqot, turizm, transport sohasidagi aloqalarni mustahkamlashga qaratilgan.
Saudiya Arabistoni delegatsiyasi vakillari mamlakatga tashrifi davomida O‘zbekiston musulmonlari idorasi, Din ishlari bo‘yicha qo‘mita, manfaatdor vazirlik va idoralar rahbarlari bilan muzokaralar o‘tkazish nazarda tutilgan.
Izoh (0)