Bugun,

  • USD 11095.31
  • RUB 173.84
  • EUR 10772.44

Qirg‘iziston prezidenti Sadir Japarov Mudofaa vazirligiga ijtimoiy tarmoqlarda Tojikiston bilan chegaradagi postlarni olib tashlash bo‘yicha kelishuvni tanqid qilayotgan va buni yerdan voz kechishga tenglashtirayotgan fuqarolarni safarbarlikka chaqirishni topshirdi. Bu haqda prezident matbuot kotibi Erbol Sultonboyevga tayanib, “Sputnik Kirgizstan” xabar berdi.

Foto: Reuters

Foto: Reuters
Ijtimoiy tarmoqlarda Qirg‘iziston o‘z yerlarni berib qo‘ygani haqida yolg‘on ma’lumot tarqatgan barcha fuqarolarni zaxiradagi rotaga yig‘ib, Botkenga olib borish, qo‘liga qurol berib, chegaralarni delimitatsiya va demarkatsiya qilish tugaguniga qadar harbiy post va chegara bo‘linmalarida qoldirish kerak, — deya Japarovning so‘zlarini keltirdi Sultonboyev.
Davlat rahbarining tushuntirishicha, Qirg‘iziston va Tojikiston to‘qnashuvlar boshlangan joylardagi avanpostlarni olib tashlagan. Shu bilan birga, chegaralar masalasi hal etilmaguncha birorta ham chegara posti ochilmaydi.

Japarov fuqarolarni Tojikiston yerimizni tortib oladi, deb xavotirlanmaslikka chaqirdi va chegarachilar bir metr hududni ham berib qo‘ymasligini aytdi.

Bizning chegara o‘tish joyi sun’iy yo‘ldoshlar va dronlar tomonidan nazorat qilinmoqda, askarlar xavfsiz pozitsiyalardan kuzatib turishibdi, — dedi u.
Sentabr oyi o‘rtalarida qirg‘iz-tojik chegarasida sodir bo‘lgan to‘qnashuvlardan so‘ng mamlakatlar maxsus xizmatlari rahbarlari tinchlik o‘rnatish to‘g‘risidagi protokolni imzolagan edi. 25-sentabr kuni Qirg‘iziston va Tojikiston Milliy xavfsizlik davlat qo‘mitasi rahbarlari “Qizil-bel” nazorat-o‘tkazish punktida uchrashib, chegaradagi vaziyatni tartibga solish bo‘yicha protokol imzoladi.

Qirg‘iziston MXD qo‘mitasi rahbari Qamchibek Tashiyevning aytishicha, tomonlar “Tamdik” va “Bedak” chegara postlarida, Buloqboshi, Kex, Oqsoy, Sharshara postlaridagi har qanday qo‘riqlash bo‘linmalarini olib tashlash va joylashtirmaslik haqida kelishib olgan. Uning ta’kidlashicha, binolar va inshootlar saqlanib qoladi.

Izoh
Asosiy yangiliklar
Mahalliy
Huquq faoli Nukus voqealarida gumonlanayotganlar qiynoqqa solinmaganini aytmoqda
Dunyo
“Daryo” kundaligida 30-noyabrda sodir bo‘lgan eng muhim voqealar
Mahalliy
Kontrabanda sigaretalar ko‘proq qaysi viloyatlar chegaralaridan olib o‘tilmoqda? Bojxonachi javob berdi