Namanganning chekka hududlarida konteynerlarga joylashtirilgan tibbiyot punktlari ishga tushdi. Bu haqda “Daryo” muxbiri Azizbek Abduvaliyev xabar bermoqda.
Namanganning Pop va Toshkent viloyatining Yuqori Chirchiq tumanlaridagi karantin zonalarida foydalanishda bo‘lgan jami 167 ta konteyner tibbiyot punktlariga aylantirildi. Ulardan 131 tasi faoliyatini boshlashga ham ulgurdi.
Tibbiyot punktlari sanitariya-gigiyena xonalari, yotoq o‘rinlari, televizor va sovitkichlar bilan jihozlangan. Ularga eng zarur dori-darmon va tibbiy buyumlar ajratilib, malakali shifokor va hamshiralar bilan ta’minlangan.
“Mahallamizda tibbiyot punkti ishga tushganligi ayni muddao bo‘ldi. Oldinlari shifokorga ko‘rinish uchun 15 kilometr uzoqlikdagi Gulbog‘ yoki Jomasho‘yga borar edik. Endi esa shundoqqina yonimizda. Bemalol chiqib, shifokor yoki hamshiradan maslahat olyapmiz, dardimizga shifo topyapmiz. Bundan barcha, ayniqsa bizga o‘xshagan nuroniylar va bola-chaqali ayollar xursand”, — deydi Mingbuloq tumanidagi Qozoqovul mahallasida istiqomat qiluvchi 75 yoshli Abdurayim ota Namozov.
Mavzuga doir: Dehqonobod tumanining chekka qishloqlarida konteyner tibbiyot maskanlari ish boshladi (foto)
Izoh (0)