Nonning mog‘orlagan qismini kesib tashlab, iste’mol qilish mumkinmi?

Ushbu vaziyat bilan hamma tanish: non qotib qolmagan, ammo yuzasida mog‘or paydo bo‘lgan. Butun bir nonni tashlash juda achinarli va ko‘pchilik shunchaki mog‘orlagan qismini kesib, qolgan qismini iste’mol qilishda davom etadi. Xo‘sh, mog‘orlagan nonning zarar ko‘rgan qismini kesib, iste’mol qilish sog‘liq uchun xavfsizmi? “Noviy ochag” nashri ushbu savolga javob berdi.

Mog‘orlagan non nima uchun xavfli?

Mutaxassislar mog‘orlangan nonni iste’mol qilishni tavsiya etmaydi, chunki u sog‘liq uchun xavfli bo‘lishi mumkin. “Non yumshoq va g‘ovakli, shuning uchun mog‘or sporalari ko‘z bilan ko‘ringanidan ancha chuqurroqqa kirgan bo‘lishi mumkin”, — deydi AQSH qishloq xo‘jaligi vazirligining katta texnik mutaxassisi Marianna Greyvli.

Katta paketlardagi qadoqlangan nonlarni ehtimol kamida yarmini tejash mumkin, ammo nonning bir tomoni mog‘orlagan bo‘lsa. So‘ngra nonning mog‘orlagan qismi olinib, zarar ko‘rmagan joyini iste’mol qilsa bo‘ladi. Shuningdek, hozirgacha nondan mog‘orni kesib, uni iste'mol qiladiganlar ham tashvishlanmasligi kerak.

Nondagi mog‘or nimasi bilan xavfli bo‘lishi mumkin?

Chiriyotgan nonning organizmga qanday ta’sir qilishini aniqlashning iloji yo‘q. Ba’zi odamlar uchun bu hech qanday zarar keltirmaydi, chunki sporalar oshqozonda oddiygina hazm qilinadi. Biroq mog‘orning ayrim turlari nafas olish muammolari va allergik reaksiyalarni keltirib chiqarishi mumkin, eng yomon holatda esa oziq-ovqat zaharlanishiga olib keladi. Shuning uchun sog‘liqni xavf ostiga qo‘ymaslik, balki yangi non sotib olish tavsiya etiladi.

Yana qanday mahsulotlarni mog‘or bilan iste’mol qilmaslik kerak?

Aytgancha, non mog‘orning yuqori qatlamini olib tashlash orqali yeyish mumkin bo‘lmagan yagona mahsulot emas. Bu yumshoq tarkibga ega bo‘lgan barcha mahsulotlarga taalluqlidir: konserva va murabbolar, konservalangan sabzavotlar, meva va pishirilgan go‘shtlar.

Qanday mahsulotlarni mog‘or bilan iste’mol qilish mumkin?

Ammo qattiqroq mahsulotlar, masalan, sabzi, qattiq pishloq va boshqalarni, ulardan ko‘rinadigan mog‘orni kesib tashlash orqali yeyish mumkin. Agar mahsulotning tuzilishi qattiq bo‘lsa, mog‘or ildizlari mahsulotga chuqur kirib borishga ulgurmaydi. Shuning uchun bunday mahsulotlarning yuqori qatlamidan taxminan 3-4 santimetr qismini kesib bo‘lgach, qolgan qismini iste’mol qilish mumkin.