Abdulla Aripov amaliy tashrif bilan Qirg‘izistonga yetib bordi

O‘zbekiston respublikasi bosh vaziri Abdulla Aripov 26-sentabr kuni amaliy tashrif bilan Qirg‘izistonga keldi. Bu haqda qo‘shni davlat Vazirlar Mahkamasi xabar qildi.

Qayd etilishicha, bosh vazirni “Manas” xalqaro aeroportida Qirg‘iziston Vazirlar Mahkamasi raisi Oqilbek Japarov kutib olgan.

Xizmat safari doirasida Aripov ikki hukumat delegatsiyalarining qirg‘iz-o‘zbek davlat chegarasini delimitatsiya va demarkatsiya qilish masalalari bo‘yicha qo‘shma majlisida ishtirok etadi. Shuningdek, Qirg‘iziston prezident Sadir Japarov bilan uchrashadi.