Birlashgan Arab Amirliklarining Flydubai aviakompaniyasi havo kemasi bugun ilk bor Namangan xalqaro aeroportiga kelib qo‘ndi. Bu haqda “Daryo” muxbiri Azizbek Abduvaliyev xabar bermoqda.
An’anaga muvofiq, mazkur havo kemasi aeroportda sun’iy suv arkasi hosil qilinib kutib olindi.
Aviakompaniyaning Boeing 737 rusumli havo kemasi Namangandan Dubayga 190 nafar yo‘lovchini olib ketdi.
Namangan xalqaro aeroporti ma’muriyatining “Daryo”ga ma’lum qilishicha, endi Dubay—Namangan yo‘nalishidagi parvozlar haftaning chorshanba va shanba kunlari, Namangan—Dubay yo‘nalishidagi aviaqatnovlar esa payshanba va yakshanba kunlari muntazam amalga oshiriladi.
Ma’lumot uchun, bugungi kungacha Flydubai aviakompaniyasi Toshkent va Samarqand shaharlariga muntazam aviaqatnovlarni yo‘lga qo‘ygandi. Endi ularning qatoriga Namangan ham qo‘shildi.
Mavzuga doir:
Izoh (0)