Toshkentning Bektemir tumanida Lacetti va Cobalt to‘qnashishi oqibatida haydovchilardan biri halok bo‘ldi. Bu haqda poytaxt IIBB matbuot xizmati xabar berdi.
Voqea 22-sentabr kuni taxminan soat 23:00 larda Husayn Boyqaro ko‘chasidagi avtomobillarga yoqilg‘i quyish shoxobchasi qarshisida yuz bergan. Haydovchi S.X. (1998-yilda tug‘ilgan) Lacetti’ni boshqarib ketayotib, S.N. (1995-yilda tug‘ilgan) boshqaruvidagi Cobalt bilan to‘qnashgan.
Oqibatda Lacetti haydovchisi olgan tan jarohatlari oqibatida voqea joyida vafot etgan. Hodisa sabablari aniqlanmoqda.
Holat yuzasidan Toshkent shahar IIBB Tergov boshqarmasi tomonidan Jinoyat kodeksining 266-moddasi 2-qismi (transport vositalari harakati yoki ulardan foydalanish xavfsizligi qoidalarini buzish odam o‘lishiga sabab bo‘lishi) bilan jinoyat ishi qo‘zg‘atilib, tergov harakatlari olib borilmoqda.
Mavzuga doir:
Izoh (0)