Qrim rahbari uning o‘g‘li ham safarbarlik doirasida armiyaga chaqirilganini aytdi

Rossiya tomonidan anneksiya qilingan Qrim rahbari Sergey Aksyonovning aytishicha, uning o‘g‘li safarbarlik doirasida armiyaga chaqirilgan.

“Qonun hamma uchun bir. Bugun mening o‘g‘lim ham chaqirildi, u hududiy qismdagi bo‘linmaga jo‘nab ketdi”, — deya Aksenovning so‘zlarini keltiradi “RIA Novosti”.

Aksenov o‘g‘li bilan faxrlanishini ta’kidladi. Uning so‘zlariga ko‘ra, o‘g‘li yuz berayotgan voqealarni chetdan kuzata olmasligini, ilgari armiyada xizmat qilgan bo‘lishiga qaramay, vatan oldidagi qarzini to‘lashi kerakligini aytgan.

Aksenovning o‘g‘li Oleg, ochiq manbalarga ko‘ra, 1997-yilda tug‘ilgan. 2016-yilda Aksenov o‘g‘li armiyada xizmat qilayotganini aytgandi.