NATO “soxta” referendumlarga javoban Ukrainaga bo‘lgan yordamni kuchaytirishga va’da berdi

NATO bosh kotibi Yens Stoltenberg 23-sentabr, juma kuni Ukrainaning bosib olingan hududlarida o‘tkazilgan “soxta” referendumlarga javoban NATO Kiyevga yordamni kuchaytirishini aytdi, deb xabar beradi Reuters.

Moskva to‘rtta mintaqaning Rossiyaga qo‘shilishi bo‘yicha ovoz berish jarayonini boshlaganini Kiyev va uning ittifoqchilari bu hududlarni anneksiya qilish va yetti oydan beri davom etayotgan urushni avj oldirish uchun ayyorlik deb hisoblaydi.

NATOning javobi — yordamni kuchaytirishdir.

Urushni tugatishning eng yaxshi yo‘li — ukrainaliklarni jang maydonida yanada kuchaytirish va Ukrainaga foydali bo‘ladigan ishlarni hamjihatlikda amalga oshirish hamda Ukrainani Yevropada suveren, mustaqil davlat sifatida saqlab qolish uchun yakdil qarorlar qabul qilish.

Yens Stoltenberg, NATO bosh kotibi

• Yevropa Ittifoqi Putinning tahdidlaridan keyin neft narxini cheklashga shoshilmoqda — Bloomberg
• DXR, LXR, Xerson va Zaporojye viloyatlarida Rossiya tarkibiga kirish bo‘yicha referendumlar boshlandi