Germaniya Ukrainaga qo‘shimcha ravishda oltita Gepard zenit qurollarini yubordi

Germaniya Ukrainaga yana oltita Gepard o‘ziyurar zenit qurollarini yubordi, deya xabar beradi “RBK”. Endilikda Ukraina Qurolli kuchlarida xizmat ko‘rsatadigan ushbu turdagi uskunalarning umumiy soni 30 taga yetdi.

Ukrainaga harbiy yordam yuborilgani haqida Germaniya federal kansleri saytidagi hisobotda aytildi.

Zenit qurollar bilan birgalikda Berlin Ukraina armiyasiga 6000 ta o‘q-dori yetkazib berdi.

“30 ta Gepard o‘ziyurar zenit qurollari, shu jumladan, 6000 ga yaqin o‘q-dorilar", — deyiladi hafta davomida yuborilgan qurollar miqdori haqidagi xabarda.

Shuningdek, Kiyev Germaniyadan 3000 ta 155 mm kalibrli snaryadlar, xususan, 1000 ta signal va 2000 ta tutun snaryadlari olgan.

Mavzuga doir:

• Zelenskiy Germaniyadan tanklar yetkazib berishni so‘radi
• Germaniya hukumati safarbarlikdan qochgan rossiyaliklarni qabul qilishga tayyorligini bildirdi