Bugun,

  • USD 11014.01
  • RUB 191.8
  • EUR 10674.78

Armaniston Mudofaa vazirligi Ozarbayjonni o‘t ochishni to‘xtatish rejimini buzishda aybladi.

Foto: Armaniston prezidenti apparati

Foto: Armaniston prezidenti apparati

“23-sentabr kuni taxminan 7:40 da Ozarbayjon Qurolli kuchlari bo‘linmalari yana o‘t ochishni to‘xtatish rejimini buzib, Armaniston-Ozarbayjon chegarasining sharqiy yo‘nalishi bo‘ylab joylashgan arman jangovar pozitsiyalariga turli kalibrli o‘qotar quroldan o‘t ochdi. Javob harakatlari bilan dushmanning olovi o‘chirildi. Armaniston tomonida talafotlar yo‘q”, — deyiladi vazirlik saytida.

O‘z navbatida Ozarbayjon Mudofaa vazirligi Yerevanni chegaraga tutash uchta tumandagi pozitsiyalarni o‘qqa tutishda aybladi.

Bundan avval 21-sentabr kuni ham Yerevan Ozarbayjon harbiylar o‘t ochgani haqida xabar bergandi.

Ziddiyatning keskinlashuvi qachon boshlandi?

Yerevan va Baku o‘rtasida navbatdagi keskinlik 12-sentabrdan 13-sentabrga o‘tar kechasi boshlandi. Armaniston Ozarbayjonni janubi-sharqiy chegarani o‘qqa tutishda aybladi. O‘z navbatida, Boku ham Armaniston tomondan Ozarbayjon armiyasining ta’minot yo‘llari minalangani, shuningdek, o‘t ochilganini da’vo qildi.

13-sentabr tongida tomonlar Moskva vositachiligida o‘t ochishni to‘xtatishga kelishdi, ammo otishmalar to‘xtamadi va ikki mamlakat ham bunda qarshi tarafni aybladi. 14-sentabr oqshomida tomonlar tinchlik bo‘yicha yana bir bor kelishuvga erishdi.

Armaniston KXSHTdan yordam so‘radi, biroq ular tinchlikparvar kuchlarni yuborishdan bosh tortdi. KXSHT Armanistonga o‘z missiyasini jo‘natdi, 19-sentabr kuni guruh nizoni tinchlantirish uchun takliflar ishlab chiqqanini ma’lum qildi.

Izoh
Asosiy yangiliklar
Mahalliy
Qurilish vazirligi ogohlantiradi: yangi uy xarid qilayotganda e’tibor berilishi lozim bo‘lgan jihatlar
Mahalliy
“Ba’zida o‘zim ham noto‘g‘ri parkovka qilaman” — Rasul Kusherbayev
Mahalliy
Toshkent shahri bosh rejasining bir qismi 2022-yil oxirigacha yakunlanadi