Ayni vaqtda prezident Shavkat Mirziyoyev Nurafshon shahrida Xalq deputatlari Toshkent viloyati kengashining sessiyasida ishtirok etmoqda. Bu haqda “Daryo” muxbiri xabar berdi.
Sessiyada tashkiliy masala ko‘rilmoqda. Shu vaqtga qadar Toshkent viloyati hokimi lavozimini vaqtincha bajaruvchi bo‘lib turgan Zoir Mirzayev ushbu lavozimga tasdiqlandi.
Avvalroq, Shavkat Mirziyoyev Zoir Mirzayev haqida fikrlarini bildirib o‘tgani haqida xabar berilgandi.
“Men Samarqand viloyatiga hokim bo‘lib borganimda Mirzayev moliyaning rahbari edi. O‘sha vaqtda birga ishlab, anchagina yaxshi kadr ekanini bilganman. O‘zim tarbiyalagan kadrlar ichida Zoir Mirzayev ham bor. Rahbarlikka kelgan birinchi kunlarimdayoq uni Bosh vazir o‘rinbosari qildim, keyin Qashqadaryoga jo‘natdim. Mana endi Toshkent viloyatiga tasdiqlaymiz”, — degan prezident.
Izoh (1)
Nazarbekdagi poyiz yoʻlniyam tezlashtirib berila hokim buva xalq qiynalvotti