Finlyandiya rossiyalik tadbirkorlarning aktivlarini musodara qildi — OAV

Finlyandiyada rossiyalik Arkadiy Voloj, Boris va Arkadiy Rotenberglarga tegishli aktivlar musodara qilindi, deb xabar bermoqda mamlakatning eng yirik Helsingin Sanomat nashri.

Qayd etilishicha, bu ishbilarmonlarning barchasi Rossiyaning Ukrainadagi maxsus harbiy amaliyoti tufayli Yevropa Ittifoqining sanksiyalar ro‘yxatiga kiritilgan. “Yangi qarorlar rasmiylar tomonidan avgust va sentabr oyining boshida qabul qilingan. Qarorlar Yevropa Ittifoqining sanksiyalar ro‘yxatiga kiritilgan Arkadiy Voloj, Boris va Arkadiy Rotenberglarga tegishli”, — deyiladi xabarda.

Nashrning aniqlik kiritishicha, musodara sud ruxsatisiz mulkni garovga qo‘yish yoki sotish mumkinligini anglatmaydi.

Mavzuga doir: 

• Germaniya Rossiyaning 4,8 milliard yevrolik aktivlarini muzlatib qo‘ygani ma’lum bo‘ldi
• Italiya hukumati rossiyalik milliarderning 11 ta villasini xatladi
• Hashamatli saroylar, “Chelsi” va yaxtalar — Roman Abramovichning London imperiyasi sanksiyalar yomg‘iri ostida parchalanib ketdi