Checheniston rahbari Ramzan Qodirov Ukrainadagi harbiy operatsiya ishtirokchilari yangi taktikaga o‘tayotganini va “o‘zini boshqa urintirmoqchi emasligi”ni ma’lum qildi. Yangi taktika haqidagi tafsilotlarni u keltirib o‘tmadi.
Qodirovning aytishicha, harbiy operatsiyalar o‘tkazish bo‘yicha Checheniston tezkor shtabi boshlig‘i Magomed Daudov bilan o‘zgarishlar tafsilotlarini muhokama qilgan. Telegram-kanaldagi postiga Checheniston rahbari video ilova qilgan bo‘lib, unda Daudov bilan reja yoki xaritani ko‘zdan kechirayotganini ko‘rish mumkin.
“Dushman tez orada yangi qasos rejasining ular uchun juda og‘ir bo‘lgan oqibatlari bilan to‘qnashadi. Bizning avvalgi barcha harakatlarimiz endi ularga bolalarcha sho‘xliklar bo‘lib tuyuladi… Bu xabarga o‘zi uchun yomon belgi deb qarab, hayotini qutqarish uchun to‘g‘ri xulosalar chiqarganlargina yutadi. Tayyorlaning va ko‘z-quloq bo‘lib turing”, — deb yozdi Qodirov.
Rossiya harbiy operatsiyasi boshlanganidan buyon Qodirov Ukrainaga jangovar harakatlarda qatnashish uchun chechen jangchilari yuborilgani haqida bir necha marta ma’lum qilgan.
Ramzan Qodirov 14-sentabr kuni Rossiya hududlarini mustaqil ravishda safarbarlik e’lon qilishga chaqirgandi. Checheniston rahbari, shuningdek, Rossiyada harbiy holat e’lon qilinishi zarurligini aytgandi.
Ertasi kuni esa Rossiya mintaqalari rahbarlari “mustaqil safarbarlik” e’lon qilishi va Ukrainadagi urushga yuborish uchun ko‘ngillilarni tayyorlashi kerakligini aytdi.
Izoh (0)