Shanxay hamkorlik tashkilotiga a’zo davlatlar vakolatli organlari o‘rtasida muzey ishi sohasidagi hamkorlik to‘g‘risida memorandum imzolandi. Bu haqda Madaniy meros agentligi xabar bermoqda.
O‘zbekiston tomonidan ushbu hujjatni imzolashda Turizm va madaniy meros vazirligi ishtirok etdi. SHHTga a’zo davlatlarning madaniyatlari o‘rtasidagi tarixiy aloqalarni inobatga olgan holda muzeylar tarixiy xotira, bag‘rikenglik va madaniyatlararo muloqot qobiliyatini shakllantirishning eng muhim instituti sifatida ko‘rilmoqda. Shu bois muzey ishi sohasidagi eng yaxshi an’analarni saqlashdan umumiy manfaatdorlik e’lon qilindi.
Memorandumga ko‘ra, a’zo davlatlar tomonidan muzey xodimlarini, shu jumladan, fond, ekspozitsiya va ko‘rgazma faoliyati, ekskursiya, madaniy-ma’rifiy faoliyat sohasidagi mutaxassislarni tayyorlash, qayta tayyorlash va ularning malakasini oshirishda hamkorlik yo‘lga qo‘yiladi. Shuningdek, muzey va muzey ashyolarini restavratsiya hamda konservatsiya qilish bo‘yicha tajriba almashinib, muzeylararo amaliyotlar, asosiy yo‘nalishlar bo‘yicha mahorat darslari tashkil qilinadi.
SHHTga a’zo davlatlarning yetakchi muzey markazlari va ta’lim muassasalarida masofaviy ta’limni tashkil etish uchun shart-sharoit va texnik imkoniyatlar yaratiladi.
Izoh (0)