O‘zbekistonning qator hududlarida chet el valyutalarining noqonuniy muomalaga kiritilishining oldi olindi.
Bosh prokuratura huzuridagi departamentning Qumqo‘rg‘on tuman bo‘limi tomonidan o‘tkazilgan tezkor tadbirda, tumandagi dehqon bozori atrofida valyuta ayirboshlash bilan shug‘ullanib kelgan B.Q. fuqaro U.ga jami 3 800 AQSH dollarini 43 million so‘mga sotgan vaqtida ashyoviy dalillar bilan ushlangan.
Shu kabi, departament hamda DXXning Yangiyer shahar bo‘limlari tomonidan o‘tkazilgan tezkor tadbirda, shahardagi dehqon bozori atrofida valyuta ayirboshlash bilan shug‘ullanib kelgan Z.Q. fuqaro B.ga 3 050 AQSH dollarini 34,8 million so‘mga sotgan vaqtida ashyoviy dalillar bilan ushlangan.
Xonqa tuman bo‘limi tomonidan o‘tkazilgan tezkor tadbirda esa, Xonqa shaharchasidagi savdo do‘koni atrofida valyuta ayirboshlash bilan shug‘ullanib kelgan S.R. fuqaro M.dan 3 000 AQSH dollarini 33 million so‘mga sotib olgan vaqtida ashyoviy dalil sifatida olingan.
Buxoro viloyat boshqarmasi tomonidan viloyat IIB xodimlari bilan hamkorligida o‘tkazilgan tezkor tadbirda esa, Buxoro shahri savdo markazi oldida noqonuniy valyuta ayirboshlash bilan shug‘ullanib kelgan O.X. (muqaddam Jinoyat kodeksining 177- moddasi bilan sudlangan) fuqaro D.dan 3 000 AQSH dollarini 32,9 million so‘mga sotib olgan vaqtida ashyoviy dalillar bilan ushlangan.
Qo‘shtepa tuman bo‘limi tomonidan IIB xodimlari bilan hamkorlikda o‘tkazilgan tezkor tadbirda, Marg‘ilon shahar dehqon bozori atrofida noqonuniy valyuta ayirboshlash bilan shug‘ullanib kelgan B.S. fuqaro M.ga 3 000 AQSH dollarini 33,1 million so‘mga sotgan vaqtida ashyoviy dalillar bilan ushlangan.
Mazkur holatlar yuzasidan Jinoyat kodeksining 177-moddasi (valyuta qimmatliklarini qonunga xilof ravishda olish yoki o‘tkazish) bilan jinoyat ishlari qo‘zg‘atilib, tergov harakatlari o‘tkazilmoqda.
Izoh (0)