Bundan buyon O‘zbekistonda viloyat, tuman va shahar hokimlari haftasiga bir marta turoperator, mehmonxona hamda dam olish maskanlari vakillari bilan uchrashib, ularning muammolarini hal qilib boradigan tizim joriy qilinadi. Bu haqda Shavkat Mirziyoyev videoselektor yig‘ilishida aytib o‘tdi.
Qayd etilishicha, so‘nggi yillarda turizm sohasi oldidagi 11 ta katta muammolardan 6 tasi hal qilingan. Xususan:
- sayyohlarga viza berish keskin liberallashtirildi;
- aeroportlarda navbatlar va tekshirishlarga barham berildi, yashil yo‘laklar qilindi, vokzallarda ham qulay sharoitlar yaratildi;
- mehmonlar elektron ro‘yxatdan o‘tkaziladigan bo‘ldi, ular erkin harakatlanishi uchun hamma sharoitlar yaratildi;
- valyuta ayirboshlashga cheklovlar bekor qilindi;
- mehmon o‘rinlari soni 3 barobarga ko‘payib, 125 mingtaga yetdi (2017-yilda 37 mingta edi);
- turistik korxonalar uchun ijtimoiy soliq va aylanma soliq stavkalari 1 foiz etib belgilandi, yer solig‘i va mol-mulk soliq stavkalari 90 foizga kamaytirildi.
Izoh (0)