Rossiyada tanasining yarmi kuygan O‘zbekiston fuqarosi vatanga qaytarildi

Rossiyaning Kamchatka hududida tanasining yarmi kuygan O‘zbekiston fuqarosi vatanga qaytarildi. Bu haqda Tashqi mehnat migratsiyasi agentligi xabar berdi.

Mamlakatning Vladivostok shahridagi Bosh konsulxonasiga andijonlik fuqaro N.N. Rossiyaning Kamchatka o‘lkasida vaqtinchalik mehnat faoliyatini amalga oshirish vaqtida ehtiyotsizligi oqibatida tanasining yarmi kuyib, shifoxonaga yotqizilgani va davolanish uchun moliyaviy imkoniyati yo‘qligini bildirib, O‘zbekistonga qaytishida amaliy yordam so‘rab murojaat qilgan.

Tashqi mehnat migratsiyasi agentligi va Bosh konsulxona hamkorligida ushbu fuqaro O‘zbekiston Sog‘liqni saqlash vazirligi tomonidan ajratilgan maxsus shifokor hamrohligida O‘zbekistonga olib kelindi.

Mavzuga doir:

• Rossiyada uysiz qolib ketgan o‘zbekistonlik fuqaro oilasi bilan vatanga qaytarildi
• Rossiyada og‘ir kasallikka chalingan O‘zbekiston fuqarosi oilasi bilan vatanga qaytarildi