Toshkent shahri Olmazor tumanidagi moy ishlab chiqarish sexida 17-sentabr kuni yong‘in sodir bo‘lgani haqida xabar berilgandi. Favqulodda vaziyatlar vazirligi ma’lumotiga ko‘ra, yong‘in bartaraf etildi.
Qayd etilishicha, soat 18:07 da Qizg‘aldoq ko‘chasida joylashgan moy ishlab chiqarish sexi hududida 4 ta rezervuarda neft mahsuloti yongan. Shunga ko‘ra yong‘in-qutqaruv ekipajlari soat 18:17 da voqea joyiga yetib borib, yong‘in soat 18:55 da o‘rab olingan va soat 18:58 da o‘chirilgan.
Hodisa joyiga O‘zbekiston FVV rahbariyati, Toshkent shahri FVB va tuman FV bo‘limi rahbar xodimlari yetib borgan. Yong‘inni bartaraf etishga 7 ta yong‘in-qutqaruv ekipaji, 1 ta ko‘pik hosil qiluvchi avtomobil, 2 ta avtonarvon jalb etilgan.
Yong‘in oqibatida fuqarolarning tan jarohati olish va halok bo‘lish xolatlari to‘g‘risida xabar kelib tushmagan. Hozirda yong‘inning kelib chiqish sababi va keltirilgan moddiy zarar miqdori aniqlanmoqda.
Izoh (0)